Formålet med ordninga er å fremja kristen tru og verdiar mellom barn og unge, gjennom aktivitetar som skapar fellesskap, trusopplæring og personleg vekst.

Det kan søkjast om støtte til:

• Leirar, samlingar
• Undervisning og leiartrening.
• Lokale prosjekt og tiltak som engasjerer barn og ungdomsarbeid

Søknaden må innehalda:

• Utfyllande beskrivelse av tiltaket eller prosjektet
• Målgruppe og forventa tal på deltakarar
• Budsjett og finansieringsplan
• Kontaktinformasjon til ansvarleg leiar

Søknadsfrist: 01. mars 2026

Søknad kan sendast til: bjorn.alvseike@gmail.com

Stiftelsen Huset gler seg over at vi saman kan vidareføra det gode arbeidet som Feedback gjennom 40 år har drive.  

(Illustrasjonsfoto: Den norske kirke / Terje Peersen, Hobbyverksted)

Feedback-huset i Ølen seldt.

– For rundt 40 år sidan gjekk 18 foreldre saman om å kjøpa ein del av eit næringsbygg i Eiodalen i Ølen, med formål å skaffa ein fast møteplass for kristent barne- og ungdomsarbeid, fortel Bjørn Asgeir Alvseike i styret for stiftinga. 

Huset blei i mange år brukt av ungdomsmiljøet Feedback, og fungerte som ein viktig samlingsstad for unge i området. Etter mange år med drift har aktivitetane her endra seg og "huset" vart ståande tomt. (Feedback har flytta si verksemd og held nå til på Arken i Vats). 

– Styret i Stiftinga Huset vart samde om å selja bygget, slik også vedtektene opnar for. Midlane inngår i eit fond og styret understreka at heile overskotet frå fondet skal delast ut som støtte til kristent arbeid for barn og unge, til  aktivitetar som skapar fellesskap, trusopplæring og personleg vekst, seier Bjørn Asgeir Alvseike til kyrkjebladet Hyrdingen.

(Tekst:  Steinar Skartland, redaktør for kyrkjebladet Hyrdingen, 29.1.2026).